راديو أنيق من View Quest و Amazon البريطاني

---

السلام عليكم ورحمة الله وبركاته

أول شي بتكلم عن حبي للراديو .. أعتبره من الأشياء المهمه بالبيت خصوصاً بالمطبخ وغرفه النوم ، لمن اسمع صوته احس براااحه نفسيه وسعاده واطمئناان 

القناة اللي أشغلها هي اذاعة القرآن دائما ، فعلاً اذاعه رائعه وبرامجها تشدني بدون مااحس وانا اتحرك وأشتغل

بعضكم بيعتبرني قديمه وعجووز هههه  ، بس الراديو من الأشياء اللي تعودت عليها من صغري وماتموت حتى مع وجود الجوالات والبرامج البديله عنه

واللحين مع التسوق الالكتروني صار كل شي قريب والبحث في المواقع أسهل والعرض أكبر

يهمني الأناقه والأداء ، وبسوقنا موجود راديوهات أدائها رائع وجودتها ممتازه ، لكنها تفتقد للجمال والديكور بالمنزل

توجهت في البحث بالمواقع البريطانيه لأنهم كلاسيكيين وأنيقين

لقيت شكلين من الراديوهات ، الأول من موقع View Quest

الموقع فيه عدة أشكال للراديو وعدة ألوان

اخترت الشكل هذا واخذت اللون البني

الرابط

سعره ٤٦٧ ريال ، شحنته عن طريق شوب اند شيب كلفني تقريباً مع الشحن ٧٠٠ ريال

بالنسبه لي أعتقد أن سعره مناسب خصوصاً انه يحتوي على مكبر صوت ، وأسعار المكبرات الممتازه تتعدى الألف ريال

مميزاته أنه راديو ومكبر صوت بنفس الوقت

الراديو يدعم تقنيه DAB+ وهي تقنيه تخلي الصوت صاافي وتفتح اذاعات كثيره جدا ، لكن للأسف بعد مااشتريته اكتشفت أن التقنيه هذي غير مدعومه عندنا ، شغلت الاذاعه وصار الصوت عندي مشوووش مرره وحسيت أني مااستفدت منه وصرت أستخدمه كـ مكبر صوت وبس ، لكن الحمد لله بعد فتره صار الصوت وااضح وصافي مدري ليش يمكن كان مستحي وأخذ على المكان ههه 

المكبر له طريقتين بالتوصيل اما انك تثبت الجوال عليه وتشغل الأصوات من خلاله وبنفس الوقت

يشحن لك الجوال 

أو توصله بسلك AUX وتشغل عليه ، فتحته من الخلف

والبلوتوث للأسف هذا الشكل مافيه ، باقي الأشكال اللي بالموقع فيها بلوتوث

بالنسبه لعيوبه أنه ماينفع تشغيله على البطاريه لأنها بسرعه تخلص ثلاثه أو اربعه أيام بحكم انه فيه مكبر صوت والجوال يشحن اذا شبكته ، يعني لازم تشبك الراديو مباشرة على الفيش

واذا كنت بتحط الراديو بمكان مافيه فيش قريب منه انصحك ماتشتريه لأنه ماراح ينفعك ، اما اذا فيه فيش قريب راح يكون أدائه رااااائع

 – – –

الراديو الثاني من Amazon البريطاني

الرابط

وهذا شكله

سعره ١٤٠ ريال

سعره رخيص وغير مكلف

فيه خمس الوان منه اخترت البيج

أدائه ممتااز والصوت صاااااافي جدا بكل مكان تحطه فيه

يشتغل بالبطاريه والكهرب ، وفيه نوعين منه بالبلوتوث وبدونه

اخترت اللي بدون بلوتوث عشان مايستهلك البطاريه بسرعه خصوصاً اني بحطه بمكان بعيد عن الفيش وجنب راسي فالأفضل مايتشبك على الكهرب

هذا كل شي اتمنى اني افدتكم ، أي سؤال أنا حاضره

والى اللقاء في تدوينه جديده