فواصل كتب صنعتها بنفسي

كيف تصنعين فواصل الكتب بنفسك عن طريق البوربوينت

---

السلام عليكم ورحمة الله وبركاته

بداية اخترت لكم برنامج البوربوينت لأنه متوفر في أغلب الكمبيوترات إن ما كان كلها, ولسهولة استخدامه وبساطته. والفواصل في أساسها سهل وبسيط وما يحتاج له برامج صعبة لتصميمه خصوصاً مع توفر الصور الرمزية بكثرة

أولاً نبدأ بالشكل التقليدي للفواصل, مجرد إننا نفتح البوربوينت ونضيف شريحة فارغة نختار من الأشكال (مستطيلات) ونرسمه على الطول والعرض اللي نبيه, بعدها نغير لون المستطيل وحدوده ونقدر نحدد حجم حدود المستطيل ونخليها متينه

بعدها نضيف عبارة أو صورة زي ما سويت هنا مجرد اخترت طول وعرض معين وخليت المستطيل بلا تعبئه بس حددته بخطوط خليتها عريضه, وأضفت عبارة (العلم نور, والجهل ظلام) مع كليبارت ورده نزلتها من صور Google

 

ثانياً الطباعة ضروري تكون على ورق مقوى عشان يتحمل ويعيش فترة طويلة, وممكن يكون الورق ملون مثل الصورة السابقة لونه بيج

---

أشكال الفواصل تنوعت  وكثرت الأفكار فيها, وخرجت عن الشكل التقليدي, تفاجأت من غرابة بعض الفواصل لما بحثت بصور Google بعبارة (Bookmark idea) وشفت شكل ياقة تيشيرت حبيت إني أصمم مثله ومع شوية حوسه ولعب بالأشكال قدرت أوصل للي أبيه

اخترت تعبئة المستطيل بصورة وحطيت هذا النقش واللي هي خلفية حافظتها عندي, وتقدرون تخلونه سادة مثل ما سويت بالصوره اللي تحت وأضفت بعض الخطوط المقطعة في الأطراف

وهنا طريقة الطي والقص بواسطة المشرط – من اليسار لليمين

---

وهذا شكل ثاني أعجبني, مجسم سويت مثل فكرته ورقي

بالبداية رسمت مستطيل عريض لونه رمادي وخليته على جنب, ثم نسخت مثله وخليت لون الثاني أبيض, وحطيت عليه مستطيلات سخيفة باللون الأسود, عشان أخليها نفس الشراب اللي بالصورة السابقة. بعد كذا نسخته وألصقته كصورة كما هو موضح في الصورة التالية

رتبته على المستطيل الرمادي, وأضفت تحته كعب أحمر من كليبارت Google, بعدها رسمت خط منحني من الأشكال عشان أكمل التصميم وأخليه واقعي أكثر

وهذي النتيجة, مرضية إلى حد ما << بسبب المقص حقي ماكان زين

شفتوا سهوله تصميمها وجمال شكلها, كذا أي شكل تشوفونه ممكن تسوونه بأنفسكم

---

وهذي أشكال صممتها وصورتها لكم, تحتوي على فواصل مبتكرة ومختلفة

رابط مرفق لكم, ملف بوربوينت للفواصل اللي صممتها تقدرون تعدلون فيها زي ما تبغون (الألوان-والأحجام-والصور الرمزية) أو تطبعونها على طول

انقر هنــا

أتمنى أكون أفدتكم, شكراً لوقتكم